Slovenııanyń Kamnık qalasynda ótken sadaq atýdan «Veronica’s Cup» halyqaralyq týrnırinde eresekter sanatynda Qazaqstan komanda qos júldege qol jetkizdi, dep habarlaıdy Egemen.kz
Klassıkalyq sadaq atýdan erler arasyndaǵy fınalda Ilfat Abdýllın Úndistan sportshysy Sachın Gýptany jeńip, altynnan alqa taqty.
Al quralmaly sadaqpen atýdan komandalyq synda Qazaqstan áıelder komandasy úzdik úshtikti túıindedi. El namysyn Vıktorııa Lıan, Roksana Iýnýsova men Adel Jeksenbınova qorǵady. Otandastarymyz kishi fınalda Lıýksenbýrg ujymynan basym tústi.
Aıta keteıik, dástúrli básekege bıyl 30-ǵa jýyq memleketten 330-dan astam mergen qatysty. Keshe U18 jáne U21 jas sanatynda Qazaqstan sportshylary birneshe júldege ıe boldy. Osynyń nátıjesinde Qazaqstan komandasy jalpykomandalyq esepte Italııadan keıingi 2-orynǵa turaqtady.